مەهاباد/ کومپانیای ڕووناک، گەورەترین کومپانیای بەرهەمهێنانی واکسێنی “تب برفکی” ڕۆژهەڵاتی ناوین داخــرا

KMMK:

لەکۆتایدا پاش چەندد ساڵ چالاکی نیوە گیانی کومپانیای بەرهەمهێنانی واکسێنی “تب برفکی” مەهاباد، گەورەترین کومپانیای بەرهەمهێنانی واکسێنی ” تب برفکی” بەهۆی نەبوونی پشتیوانی کڕین لەڕێی بەکار هێنەرانی ناوخۆیی و هاوردەکردنی ئەم بەرهەمە لە وڵاتی تورکیاوە بە تێچووی سێ ئەوەندە زۆرتر لە تێچووی فرۆشی ئەم بەرهەمەی ئەم کومپانیایە ، هۆکاری داخرانی ئە کومپانیا و بێکاری کرێکارانی هێنایە ئاراوە.

بەپێی ووتەی نوێنەری خەڵکی مەهاباد لە پەڕلەمانی شۆرای ئیسلامی حکوومەتی ئێران جەلال مەحموود زادە : ” کومپانیای تبی بەرفەکی مەهاباد کە ۸۰ لەسەتی پێویستی ناوخۆی وڵات دابین دەکات وەکوو ڕکابەرێکی جیددی بۆ کومپانیای واکسێن سازی ڕازی دێتە هەژمار ، کڕیارانی واکسێنی تبی بەرفەکی ماوەی مانگێکە لە کومپانیا تبی بەرفەکی ڕووناکی مەهاباد واکسێن ناکڕن و بە پێچەوانە بە تێچووی زۆرتر و چەنددین ئەوەندە لە وڵاتی تورکیا واکسێنی تەبی بەرفەکی هاوردەی ئێران دەکەن.

لە تورکیا هەر قوتو(شیشە)ی وەکسێنی تبی بەرفەکی هاوشێوەی بەرهەمی کومپانیای ڕووناکی مەهاباد ۶۰۰ هەزار تمەنە ،ئەمە لە کاتێکدایە کەهەر قوتویەک لە واکسێنی تبی بەرفەکی بەرهەمی کومپانیای ڕووناکی مەهاباد ۲۰۰ هەزار تمەنە و هەنووکە ئەو بەرهەمە بە ۳ ئەوەندەی تێچووەوە لە توڕکیاوە هاوردە دەکرێ.
سەرەڕای لەخواربوونی تێچووی واکسێنی تبی بەرفەکی کومپانیای ڕووناکی مەهاباد، کڕیارانی ئەم بەرهەمە لە ناوخۆ بە بیانووی پڕوپووچ لەکڕێنی بەرهەمەکانی ئەم کومپانیایە خۆ دەبوێرن.
کومپانیای “تب برفکی” مەهاباد یەکێک لە گەورەترین کومپانیاکانی تەبی بەرفەکی لە ڕۆژهەڵاتی ناوینە و لە بواری بەرهەمهێنانی واکسێنیشەوە لە کومپانیا تەبی بەرفەکی ڕازی گەورەترە.

کۆمەڵەی مافی مرۆڤی کوردستان