دەوڵەتی توركیا بە سوتاندنی دارستانەكانی كوردستان، دەیەوێت سروشتی كوردستان وێران بكات

KMMK: سەربازانی سوپای توركیا لە زۆر ناوچەی نێوان شارۆچكەی ڕوبارۆك و شەمزینان لە باكوری كوردستان و هەروەها لە چەندین ناوچەی باشوری كوردستان، بەنزینیان بەسەر دارستانەكانی كوردستاندا كردووە و دەستیان كردووە بە سوتاندنی دارستانەكان.

ناوچەی شەمزینان كە دراوسێی باشور و ڕۆژهەڵاتی كوردستانە، سەرەڕای زۆر داری میوە، بە هەزاران سەر ئاژەڵ بە چیاكانی شەمزینانەوەن، دەوڵەتی توركیا بە هەزاران هێكتار زەوی دارستانەكانی لەو هەرێمانە سوتاندووە و بە هەزاران سەر ئاژەڵیشی لەناوبردووە.

سەربازانی دەوڵەتی توركیا، لە چەندین ناوچەی نێوان شارۆچكەی ڕوبارۆك و شەمزینان و باشوری كوردستان، ئاگریان لە دارستانەكان بەرداوە و ئاگری سەر ئەو دارستانانە چەند ڕۆژێك بەردەوامیان هەبووە، ئەوان بە ئەنقەست ئاگر لە دارستانەكان بەردەدەن.
گوندنشینان هەوڵیاندا ئاگرەكە بكوژێننەوە، بەڵام سەربازانی سوپای توركیا ڕێگەیان پێنەدان.

گوندنشینێك وتویەتی: سەربازانی سووپای توركیا بە تایبەتی بە شەوان ئاگر لە دارستانەكان بەردەدەن، مانگی ڕابردوو لە كالەكۆڵان و لەنێوان شارۆچكەی ڕوبارۆك و باشووری كوردستاندا، سەربازانی سووپای توركیا، بە شێوەی مانگ و ئەستێرە بەنزینیان كرد بەسەر دارستانەكاندا و ئاگریان تێبەردا، ئاگر لە دارستانەكانی هەرێمی مەحەك بەردەوام بوو، ئێمە ویستمان ئاگرەكە بكوژێنینەوە، بەڵام ڕێگەیان پێنەداین”.
کۆمەڵەی مافی مرۆڤی کوردستان